(11-10-2008)Waxaa goor dhow madaafiic aad u culus lagu garaacay saldhigyada ciidamada cadowga ee Itoobiya ee Stadio Muqdisho iyo Carafaad, waxaana madaafiicdaan ay Xoogagga Muqaawamadu uga jawaabayaan, madaafiic ay saakay ciidamada cadowga ee Itoobiya ku garaaceen xaafadaha Xamar jadiid iyo baar ubax oo dad rayid ah ku geeriyoodeen.

(11-10-2008)Saakay waabarigii markii laga soo baxay salaadii Subax ayaa xoogaga Mujaahidiinta Al-shabaab waxay weerar aad u culus la beegsadeen Ciidamada Itobiya ee fariisinka ku leh Deegaanka Cali kamiin, iyo Xayle bariise, waxaana la sheegayaa in khasaare ba,an loo geystey ciidamada cadowga iyo maleeshiyo beeleedka Mbagathi.

(11-10-2008)Markabka laga leeyahay Dalka Ukreine sidayna Hub loo waday Koonfurta Suudaan, balse ay sheegatey dowladda Kenya in ay hubkaas iska leedahay, ayaa burcad badeed Soomaali ah oo ku heysatey xeebaha Soomaaliya waxay Xalay shaaciyeen in ay gubi doonaan Markabka iyo hantida saaran, haddii aan muddoo 3 maalmood ah loogu  fulin dalabkoodii ahaa in lacag madax-furasho ah laga siiyo.

(10-10-2008)Shirar isdabajoog ah oo maalmihii la soo dhaafay magaalada Dh/mareeb uga socday salaadiin, waxgarad, Ugaasyo iyo cuqaal ayaa saacadihii dambe ee shalay lagu soo gaba gabeeyay magaalada Dhuusamareeb ee xarunta gobolka Galgaduud, halkaasi oo lagu dhidbay maamul cusub oo uu yeelanayo gobolkaasi.

(10-10-2008)Saddex maalin kadib dilkii loogu gaystay Gudaha B/weyne Nabadoon dacar Xirsi Xooshoow, ayay Maxkamadaha islaamiga oo gacanta ku haya Magaaladaasi Waxay manta shaaciyeen in ay meel wanaagsan marayaan Baaritaannadii lagu baadi-goobayey dilkii waxshinimada ahaa ee loo geystey Alle ha u naxariistee Nabadoon Dacar Xirsi Xooshow.

(09-10-2008)Gudoomiyaha Isbahaysiga garabka Jabuuti Sheekh Shariif Sheekh Axmed, ayaa wax laga xumaado ku tilmaamay Dilkii Nabadoon Dacar ee ka dhacay B/weyne daraad, halka Baarlamaanka Mbagatina ay ka hadleen manta kulan ay yeesheen.

(09-10-2008)Wararaka ka imaanaya sakay Isgoyska Km4 ayaa sheegaya in lagu arkay saakay halkaasi maydad dhalinyaro darbi jiif ah oo ay si bareer ah xalay Saqdhexe u dileen halka kuwa kalana ay wateen Ciidamada calooshood u shaqeystayaasha ah ee ugandha oo jooga KM4.

(09-10-2008)Laba usbuuc ka badan  ayaa websiteyada qaar waxay faafinayeen warar loo soo dhiibey, oo ay ku sheegayeen in ay xurguf ba,ni dhex-taalo Maxkamadaha Islaamiga iyo Ururka Alshabaab, taaso iminka caddaatay iney ahayd been-abuur leysaga horkeenayey Muqaawamada dalka ka difaaceysa cadowga iyo adeegayaashooda.

(09-10-2008)Gudoomiyaha Degmada Dayniile  ee Maamulka Mbagati Muqtaar  Xasan Cadoow oo u shalay gelinkii dambe u warramayey Saxaafadda, ayaa wax aan la qaadan karin ku tilmaamay, falal isugu jira dhac, boob hantiyeed, iyo dhibaatooyin kale oo shacabka ku nool Degmada Dayniile ay u geysteen, maleeshiyaad sida uu sheegay si toos ah uga yimid madaxtooyada.

(09-10-2008)Diyaaradii u horeysay ee dad rakaab ah sida ayaa goor dhow soo cago-dhigatay gegida diyaaradaha ee magaalada Muqdisho, diyaaraddaas oo aan garoonka muqdisho isticmaalin muddo 20 cisho ah oo garoonku uu xirraa, kadib markii ay Xoogagga Alshabaab ku soo rogeen xayiraad.

(08-10-2008)Ergeyga QM u qaabilsan Soomaaliya, Ahmed Walad Abdalla oo wareysi siiyey saxaafadda, ayaa ku celceliyey in ciidamda Itoobiya ay ka baxayaan wadanka Soomaaliya, wuxuuse ka meer-meeray goorta ay baxayaan, isagoo marmarsiinyo uga dhigay iney tahay arrimo millitari oo sir ah.

(08-10-2008)Waaxda Mukhaabaraadka ee Xoogagga Muqaawamada ayaa maanta qabuuraha barakaat u direy 3 Sarkaal oo ka tirsanaan jirey Jawaawiista u adeegta cadowga ummada Soomaaliyeed ee Xabashida, isla markaasna mid kamida uu ahaa nin uu adeer u yahay qabqable dagaal Cabdulahi yuusuf.

  ( 08-10-2008)Dhammaan Xubnaha Ururka Waddaniga Soomaaliyeed waxay halkaan caambaareyn uga soo jeedinayaan Falkii Naxariisdarada ahaa ee lagu dilay Nabadoon Dacar Xirsi Xooshow oo lagu dilay Magaalada Beledweyne.

(08-10-2008)Xoogagga Alshabaab ayaa Saakay ku waabariistay Duleedka Muqdisho ee Sarkuusta oo Fariisin u ah Maleeshiyaad ka amar qaata kooxda mbagathi oo halkaasi Isbaaro u tiiley, waxaana wararku sheegayaan in 24 kamida mooryaanta isbaarooleyda ah ay halkaasi ku geeriyoodeen kadib rasaas lays weydaarsaday, intii kale ee maleeshiyadkaas ka soo hartayna ay cagaha wax ka dayeen.

(08-10-2008)Beledweyne: Wararka saakay naga soo gaaraya Magaalada B/weyn ayaa sheegaya in Xalay bandow lagu soo rogay magaalada B/weyn ee xarunta gobolka Hiiraan halkaas oo shalay lagu dilay Guddoomiyihii Odayaasha dhaqanka Gobolka Hiiraan, Nabadoon Dacar Xirsi Xooshoow.

(08-10-2008)Afhayeenka dhaq-dhaqaaqa Al-Shabaab, Sheekh Muqtaar Rooboow (Abuu Mansuur) ayaa ka Hadley dilkii shalay loo geystey nabadoon Dacar Xirsi xooshoow, wuxuuna dacsi u diray qoyskii iyo eheladii uu ka geeriyoodey Nabadoonku, isagoo sii raaciyey in dadkii falkaas jaahilnimada iyo fuleynimada ah ku kacay ay ahaayeen, kuwa caqiidadu ku yartahay.

by BILLOW KERROW

THE HIGHLY RIDICULOUS article by Saturday Nation columnist Donald B. Kipkorir against the Somali nation deserves an appropriate response. His rhetoric is utterly offensive and fallacious. He opines that since they have strategic interests in the country, Kenya and Ethiopia should invade and divide Somalia equally.

(07-10-2008)Diyaarad kuwa yar yar ah, ayaa maanta soo cago-dhigatay garoonka magaalada Muqdisho, waxaana taasi keentay in dadkii yaraa ee u soo shaqo tegey Suuqa bakaaraha ay ku kala cararaan, hase yeeshee Xoogagga Alshabaab oo go,aansaday inaan diyaaraddaas la weerarin ayaa sababtay inaan maanta leys weydaarsan wax badaafiic ah.